(ВИДЕО) Заев: ИО ќе дебатира за промена на името на партијата

Од:

Вечерва ќе се отвори и темата за промена на името на партијата, изјави премиерот Зоран Заев, пред почетокот на состанокот на Извршниот одбор на СДСМ.

„Има предлози да биде само Социјаледомкратки сојуз или Социјалдемократски сојуз на Северна Македонија“, рече Заев.

Во врска со барањето за предвремените парламентарни избори тој изјави дека направиле анализи, истражувања и консултации со меѓународната заедница, меѓутоа не сака да влијае пред одлуката на Извршниот одбор. Одлуката за избори ќе биде во интерес на државата, рече Заев.

За консензуален кандидат, премиерот рече дека негов предлог е да влезат во консултации со сите партии не само коалициски туку и со опозициски, вонпарламентарни и да се обидат да успеат бидејќи концептот е едно општество за сите.

За промена на името на државата од вечерва, Заев изјави дека новиот Устав треба да се почитува да се покаже дека земјата ги извршува обврските од договорот. Пасошите добиваат печат на Северна Македонија, а регистрациите бесплатно ќе бидат сменети во НМК, рече Заев.

„МВР има сериозни обврски, голем дел се завршени, ќе имаме печати на пасошите на излез од Грција, да се знае дека тоа е во сопстевност на Северна Македонија. За регистарциите, каде што стои МК ќе биде заменето со НМК односно „Норт Маседонија“ и тоа ќе биде бесплатно“, рече Заев.

Галена Николовска-Ризвановиќ 

Би можело да ве интересира

(ВИДЕО) Костадинов: СДСМ се менува и отвара шанси за младите

Ана Ололовска

СДСМ: Промените се нова енергија за забрзување на напредокот, во белиот дворец на ВМРО-ДПМНЕ ништо не се менува

Ана Ололовска

Заев денеска ќе го достави предлозите за нови министри и заменици-министри

Ана Ололовска

ВИДЕО: За потпретседатели на СДСМ се избрани Царовска, Петров, Спасовски, Зекири и Манчевски

Татјана Ташкова

Заев: Доколку постојат докази за незаконско инволвирање во „Рекет“ веднаш да се објават

Татјана Ташкова

СДСМ: Никој не е над законите, истрагата да продолжи онаму каде што водат доказите

Ана Ололовска