Општинските организации на ВМРО Народна и НСДП од Кавадарци и во вториот круг му даваат поддршка на кандидатот за градоначалник на Кавадарци од СДСМ и коалицијата, Бетиане Китев. За ова денеска на прес-конференции информираа претседателите Глигор Шемов и Владимир Клинчаров.
– ОК на ВМРО НП и во изминатиот период во изборната кампања даде своја максимална поддршка на кандидатот за градоначалник Бетиане Китев од коалицијата која ја предводи СДСМ Кавадарци, рече Шемов.
И Клинчаров ги повика членовите на НСДП и кавадарчани да гласаат за Китев.
– Знаете дека мнозинството во Советот го имаме, ни остана уште изборот на градоначалник, јас сум сигурен дека на 29-ти ќе му подадеме рака на идниот градоначалник Китев, додаде Клинчаров.
