ВМРО-ДПМНЕ: Изборот на Мартин Костовски за кандидат за градоначалник е доказ дека Заев сеуште владее со СДС

Од:

Во СДС повторно ништо ново. Со секој нов потег или обид да покаже некакви внатрепартиски реформи или промена на кадри, СДС уште повеќе тоне во своето мочуриште. На сцена ги вади истите луѓе, докажани соработници и верни марионети на Зоран Заев, на чело со неговата продолжена рака која му го чува претседателското столче во СДС, Венко Филипче, реагираат од ВМРО-ДПМНЕ.

СДС и Венко Филипче немаат што да понудат на македонските граѓани, па за кандидати за градоначалници за претстојните избори, рециклираат стари, излитени и истрошени кадри, верни слуги на Заев.

СДС се во толку очајна состојба што сите им се разбегани од кај нив и не можат да најдат нови, чисти и некомпромитирани кандидати за градоначалници, па Филипче мора да бира лица кои се продолжена рака на Заев.

Изборот на кандидати за градоначалници е јасен доказ дека со СДС се уште владее Зоран Заев и дека Филипче е само марионета и безгласна буква.

Мартин Костовски, кандидат за градоначалник на Општина Куманово е јасен доказ за тоа, затоа што тој бил и сеуште важи за близок партиски соработник на Зоран Заев и функционер во време на неговото владеење.

Костовски е човек кој за време на власта на Заев, беше директор на Службен весник и пратеник во македонското Собрание, сега е организационен секретар на СДС.

Но сите овие функции Мартин ги извршувал и ги врши благодарение на неговата лојалност и послушност кон Заев, како што се и другите партиски функционери од високите раководства.

Како ќе каже Заев, така Костовски и останатите прават.

Венко Филипче во целата приказна е само претседател на хартија, кој мора да му удоволи и да ги предложи за кандидати за градоначалници, имињата што Заев ќе му ги издиктира.

Нема автентичност и ништо ново во изборот на Филипче за градоначалничките кандидати, тоа е старата матрица на СДС со Зоран Заев.

Токму затоа, овие кандидати се луѓе кои се синоним за неспособност и сигурен пораз уште во првиот круг на локалните избори, велат од ВМРО-ДПМНЕ.

Би можело да ве интересира

ВМРО–ДПМНЕ вечерва објави 16 кандидати за градоначалници

А1он

ВМРО-ДПМНЕ: Дали службите за безбедност под водство на кадри на СДС го следеле и прислушкувале Мицкоски со знаење на Коцевски?

ВМРО-ДПМНЕ: Зошто Филипче ги штити луѓето кои прислушкувале и обвинителите кои тоа го дозволиле

(ВИДЕО) Филипче за случајот АНБ: Наместо лов на вештерки, темелна истрага и декласификација

Пенов и Пановски- кандидати за градоначалник на Скопје и носител на листа од ЛДП

Предраг Петровиќ

Немам добиено никаков документ, вели Мицкоски за предлогот на Филипче:

Горан Наумовски