Снимка од безбедносна камера во Охрид покажува како повозрасна жена корне цвеќе засадено во саксија на тротоар во строгиот центар на градот. Според сопствениците на објектот каде е поставена камерата, на снимката, која е направена попладнево, се гледа жена која вторпат оваа недела е снимена како ги краде украсните палми кои ги засадиле во саксиите.
Ова е втор сличен случај со забележани кражби на цвеќе за само еден месец. На крајот на јуни, три жени беа фатени како крадат засадено цвеќе од саксии поставени пред фирма во Кичево.