Охриѓанец (73) е приведен откако, според пријавата, впери пиштол кон 51-годишен скопјанец по расправија околу паркирано возило.
Од Министерството за внатрешни работи информираат дека на 1 август, околу 13:05 часот, полициски службеници од СВР Охрид го уапсија Т.Р. (73) од Охрид, постапувајќи по претходна пријава.
Според информациите, инцидентот се случи околу 12:00 часот во ходник на станбена зграда во Охрид, каде по недоразбирање околу паркирање, осомничениот наводно впери пиштол кон Г.К.(51) од Скопје, кој престојуваше во истата зграда.
По приведувањето, полициски службеници од Одделот за криминалистичка полиција при СВР Охрид извршија претрес во домот на осомничениот.
При претресот се пронајдени и одземени дозвола за оружје, пиштол „застава“, пушка „застава“, муниција и резервни делови.
Од МВР соопштија дека по целосното документирање на случајот против осомничениот ќе биде поднесен соодветен поднесок.