(ВИДЕО) Шилегов: Запрепастен сум од евтините ветувања и популизмот за целосно бесплатен јавен транспорт

Од:

Ако градот земе буџетски да го финансира целокупниот јавен превоз, тогаш со што ќе се финансираат останатите активности на градот?

dobivaj vesti na viber

Одговарајќи на новинарско прашање што мисли за изборната понуда за бесплатен јавен превоз, градоначалникот на Скопје Петре Шилегов одговори:

„Јас сум изненаден за некој што се себе си се претставува за добар менаџер, како така напамет дава ветувања. Трошоците на јавниот транспорт во градот Скопје изнесуваат околу 30 милиони евра годишно. Основниот буџет на град Скопје е 80 милиони евра годишно. Ако градот го земе буџетски да го финансира целокупниот јавен превоз, тогаш со што ќе се финансираат останатите активности на градот?“

Според градоначалникот Шилегов, „некој што себеси се претставува дека е менаџер, барем треба да има основни знаења, и познавања за овие категории, потоа да дава ветувања, коишто се очигледно лажни, и очигледно популистички“.

Шилегов укажа дека неговиот пакет е направен врз основа на финансиската моќ на градот Скопје: „За разлика од тоа, ова што го зборувам, е направено по основ на анализи за финансиската моќ на градот, по основ на конкретен број на луѓе коишто се корисници во целиот овој социјален пакет, и целиот овој пакет, целата оваа понуда којашто ја доставуваме до нашите сограѓани, е одржлива, финансиски реална, добро изменаџирана, што се манири на добар менаџер. Најпрво добро планираш, потоа реализираш.“

На крај на одговорот, Шилегов укажа дека е запрепастен од евтините ветувања, популизмот, и непознавањето на основните работи за јавниот превоз во Скопје: „Евтините ветувања и популизмот, јас навистина сум запрепастен, како некој се себе претставува за менаџер, без да ги знае основните работи на јавниот превоз во Скопје“, поентираше градоначалникот на Скопје во одговорот на новинарско прашање.

Би можело да ве интересира

Град Скопје ќе формира јавно претпријатие за урбанизам „Кензо Танге“

Завршена реконструкција на 12.000 м2 пешачки патеки во вториот дел од Градскиот парк

Ана Ололовска

(ВИДЕО) Разрешениот директор на ЗОО: Не сум никаков убиец, ова било правено и во минатото

Кристијан Ландов

Кривична пријава против директорот и уште пет вработени лица за случајот во Зоолошката градина Скопје

Ана Ололовска

Разрешен директорот на Скопска зоолошка

Ана Ололовска

Косана Мазнева е нова директорка на Комунална Хигиена