ВИДЕО: Куп млади се гужваа во струмички „Аватар“, ниту дистанца, ниту маски

Од:

Струмичани и вчеравечер до доцна во ноќта се забавуваа со диџеј, а потоа и со српскиот рапер Девито во струмичкиот клуб „Аватар“. Објектот кој е од затворен тип беше преполн, а меѓу младите немаше дистанца, ниту пак, некој од присутните носеше заштитни маски. Ова не е првпат клубот да организира журки, а ниту пак, да не се почитуваат протоколите за заштита од коронавирусот.

Посетители на клубот се најчесто адолесценти, меѓу кои, песните на српскиот рапер се популарни. Во клубот, никој од присутните не размислува на мерките, иако Струмица вчера беше втор град по бројот на заболени, односно имаше 21 нов регистриран случај.
Инспектори на Пазарната инспекција и вчера влегоа во струмички „Аватар“, против кого ќе биде поднесена кривична пријава. Досега, инспекторите двапати поднесоа кривични пријави, од кои, за едната има и пресуда од судот, и е платена.

Освен во Струмица, забави имаше и во Скопје. Клубот „Мош“ втора вечер по ред организираше настап на Владо Георгиев и инспекторите по втор пат констатираа прекршување на протоколот. Истовремено, забава имаше и на улица „Македонија“ во локалот „Гнездо“ каде не се почитувале мерките, а тие ќе бидат казнети за пренесување на заразна болест постапувајќи спротивно на прописите и непостапувањето според здравствени протоколи сред епидемија.

Би можело да ве интересира

ДПИ: Извршени над 650 надзори, наплатени преку 175 прекршоци вредни повеќе од 6 230 000 денари

Ана Ололовска

Запечатени угостителски објекти во гевгелиско, непочитување на протоколите, неиздавање фискални сметки…

Ана Ололовска

При акциска контрола во угостителски објекти во Куманово, четири затворени, за 14 изречена глоба

Ана Ололовска

ДПИ извршил 1.290 надзори и затворил 20 угостителски објекти за непоседување сертификати или ковид протоколи

Ана Ололовска

Нови протоколи за работа за кафетериите и рестораните

Предраг Петровиќ

Заев за непочитување на протоколите на собирите: Нема договори меѓу партиите, ветивме дека ќе ги почитуваме мерките

Кристијан Ландов