(ВИДЕО) И „вмровците“ и „сдсмовците“ ја сметаат Бугарија за најголема закана, а Србија е најголем пријател за граѓаните

Од:

Бугарија е најголемиот непријател во очите на македонските граѓани, а земјата се движи во погрешен правец, сметаат најголемиот дел од испитаниците во истражувањето на јавното мислење кое го направи Центарот за европски стратегии „Евротинк“, „Еврометар 2023“.

Најголем процент од испитаниците кои гледаат закана, сметаат дека во овој момент тоа е Бугарија (79%). Овој одговор е најчест помеѓу етничките Македонци (44%) и поддржувачите на ВМРО – ДПМНЕ (89,7%), а кај СДСМ (80,4%).

Како второ спомената “закана” е споменета Русија (6,3%), по случувањата во Украина, и овој одговор е повеќе присутен кај помладите испитаници и испитаниците од албанска националност. За најголем пријател пак со речиси 40 проценти е Србија.

Во однос на фундаменталните општествени вредности, високи 56% од испитаниците сметаат дека нема демократија; ова се смета пад за 5 %, споредено со 61% кои се изјасниле во 2022 година.

Исто намалување на општото незадоволство се отсликува преку мислењето на граѓаните за правецот на државата, каде од 72% во 2022, сега во 2023, 62% сметаат дека Македонија се движи во погрешна насока.

И покрај зголемениот скептицизам во врска со влезот на Северна Македонија во Европската Унија, 53% се согласуваат дека влезот во ЕУ е добра работа за земјава во 2023 споредено со 49% во 2022, додека 30% не мислат така.

30% од испитаниците мислат дека Македонија никогаш нема да влезе во ЕУ, 12% сметаат дека тоа ќе се случи за 5-9 години, 10% сметаат дека тоа би се случило во наредните 5 години, 18% за 10-14 години, 15% за 15-25 години, и 9% сметаат дека тоа ќе се случи за повеќе од 26 години.

Сите наведени теми поврзани со членството во ЕУ може да се каже дека испитаниците ги сметаат како важни, а посебно се истакнува судството и фундаменталните права каде 54% сметаат дека е тоа Екстремно важна работа за пристапниот процес и самите преговори за влез во ЕУ, 52% ги истакнуваат правдата, слободата и безбедноста, темите за Социјална политика и вработување 48%.

Анкетата е спроведена во текот на септември 2023 година на репрезентативен примерок од 1003 испитаници, од страна на агенцијата БРИМА на повеќестепен стратификуван случаен примерок на популација 18+ години, дизајниран според податоците објавени од Државниот завод за статистика и се базира на податоци од Пописот 2021.
Испитувањето на јавното мислење е спроведено во рамки на проектот „Медиумите за ЕУ“ со финансиска поддршка од Европската Унија.

Би можело да ве интересира

Таткото кој со сопругата ги уби децата и се самоубија бил текстописец за метал бендови

А1он

Морничави детали од трагедијата во Нови Сад: Обредни египетски симболи и црна марама во дворот

А1он

И во Србија и во Исланд не победија фаворитите за претставници на Евровизија

А1он

Детали за ужасот во Србија: Откако си ги убиле децата скокнале од зградата во Нови Сад

Катерина Ѓуровски

Момче и девојка скокнале од зграда во Нови Сад: „Лежеа заедно во локва крв“

„Падна“ компјутерскиот систем на граничните премини во Србија

Горан Наумовски