Пожарот во близина на кавадаречкото село Равец се проширува кон Тиквешкото Езеро. Теренот е доста непристапен, па покрај двата „аир трактори“ на помош се повикани и по еден хеликоптер од АРМ и МВР, изјави денеска директорот на ДСЗ, Стојанче Ангелов.
Ангелов нагласи дека станува збор за подметнат пожар, и верува дека полицијата веќе го има откриено сторителот.
– Пожарот пламна на пет места и направи голема огнена линија – изјави Ангелов, и додаде дека до вечерва тешко ќе биде истиот да биде локализиран.
