Голем пожар во воена база во канадскиот град Вејнрајт резултираше со засега непознат број жртви, соопштија денеска локалните општински власти. Според извештаите, пожарот e предизвикан од „сериозен инцидент“, а службите за итни случаи сè уште работат на негово ставање под контрола, пренесува Си-Ен-Ен (CNN).
NOW – Live firing incident hit gas line at CFB Wainwright in Alberta, Canada causing explosion that killed at least 7 military members and injured dozens more, igniting large fire on base. Hospitals overwhelmed with patients and under code orange. https://t.co/xuQ0lz8H1Z
— Confidential Post (@C_Post_News) October 18, 2026
Пожарот избувна во базата во Вејнрајт – град во источниот дел на провинцијата Алберта – и брзо се прошири поради силниот ветер, наведоа од општината во објава на Фејсбук.
Повик за помош e примен околу 16 часот, според информациите од Кралската канадска коњичка полиција во Вејнрајт. Канадскиот министер за национална одбрана, Дејвид Мекгинти, потврди дека има загинати и повредени, но не даде дополнителни детали.
„Пожарот во базата сè уште не е изгаснат, а наскоро ќе биде покрената истрага“, додаде тој.
Воената база „Вејнрајт“ (CFB Wainwright), која се наоѓа на околу 210 километри југоисточно од главниот град на провинцијата, Едмонтон, е една од најактивните воени бази во земјата, се наведува на владина веб-страница.