Таравари ги викнал на средба членовите на Собранието на Алијанса пред седницата која ја свика Села

Од:

Претседателот на Алијансата на Албанците, Арбен Таравари ги поканил на средба членовите на Централното собрание, дознава А1он. Партиски извори тврдат дека не се работи за закажано Собрание, туку само за средба, а доказ за тоа е и поканата која ја добиле. Доколку има обид да се претстави како Централно собрание, тогаш дел од партиските членови ќе го сметаат за нелегитимно, бидејќи статутарно, Собранието е закажано за во сабота.

„Централното собрание според статутот е во сабота во 13 часот. Поканата која ја добивме е доказ дека не е Собрание“, велат изворите на А1он.

Во меѓувреме, нема официјален партиски став, дали средбата закажана од страна на Таравари ќе биде претставена како Централно собрание, односно обид да се претрка претходниот лидер на партијата и актуелен Претседател на Централното собрание на Алијансата, Зијадин Села, кој го закажа Централното собрание за во сабота, кога и треба да падне одлуката, дали партијата ќе настапува самостојно на парламентарните избори, како што предлага Села, или пак во коалиција со Европскиот сојуз за промени предводен составен од Демократското движење на Изет Меџити, Беса на Билал Касами и Алтернатива на Африм Гаши, како што предложи лидерот Таравари.

А1он неколку пати се обиде да добие одговори од Таравари за партиските случувања, но одговори не добивме.

Би можело да ве интересира

Излезни анкети: „Романскиот Трамп“ убедливо води на претседателските избори

Горан Наумовски

Чалмерс: Новата австралиска влада ќе се соочи со сенката на трговската војна меѓу САД и Кина

Избори во Романија: Излезноста надмина 50 отсто, гласаа повеќе од девет милиони гласачи

Австралиските лабуристи по победата: Нашиот фокус ќе биде трговската војна меѓу САД и Кина

За Мицкоски е неприфатливо ако Таравари се договара со ДУИ

Романија ги повторува претседателските избори по руското мешање