Загревањето на домаќинствата, како еден од главните извори на загадувањето на воздухот, поттикна средношколци од скопската Гимназија „Јосип Броз Тито“ да изнајдат решение што ги намалува концентрациите на загадувачките супстанции испуштени во воздухот.
Како што соопшти Министерството за животна средина и просторно планирање, поттикнат од оваа иницијатива ресорниот министер Насер Нуредини се сретна со средношколците и им искажа почит и признание за нивните заложби и труд за изнаоѓање на решенија за проблеми, како и за покажаната висока свест за заштита на околината што не опкружува.
Нуредини, како што се наведува во соопштението, ги поттикна да служат како пример за младите генерации со покажување на висока свест за тоа каква животна средина сакаат да наследат од своите предци.
Средношколците Теофилија Стоилковска, Марко Дураков и Мартин Стеванов заедно со директорката Силвана Кржовска подетално го презентираа проектот и самиот уред. Тие ги истакнаа проблемите со кои беа соочени при неговата изработка и ја искажаа нивната заложба и подготвеност за понатамошно усовршување.
– Ние младите сакаме да jа направиме промената на јавната свест во општеството, му порачаа средношколците на министерот.