Советникот од Коалицијата предводена од СДСМ, Ѓошо Вангелов, сведочеше на судското рочиште за предметот „Насилство“.
Вангелов рече дека полицајците стоеле немо како статисти и не презеле никакви дејствија за да ги заштитат советниците во општина Центар во 2013 година за насилствата пред општинската барака.
„Рангелова го провоцираше градоначалникот Жерновски: Излези надвор, те бараат луѓето. Рангелова диригираше со настаните”, рече Вангелов.
Тој на прашање на обвинителката Фетаи рече дека црквата Св. Константин и Елена воопшто не била ставена како точка на дневен ред на седницата.
„Ја искршија оградата од ковано железо”, рече сведокот.
„Летаа јајца, компири, шишиња со вода”, се присетуваше сведокот.
Вангелов препозна тројца од обвинетите: Митко Пецов, Александар Трајковски и Дарко Стојчевски.
„Беа подготвени да не’ линчуваат ако одговоревме на нивните провокации”, рече Вангелов.
Во судот денеска треба да биде испрашан уште еден сведок во предметот на СЈО.
Васко Маглешов