Од СДМС преку соопштение реагираат на прес-конференција на Драган Ковачки од ВМРО ДПМНЕ.
„Сите лаги на ВМРО-ДПМНЕ потонаа, толку ниско паднаа што немаат образ ниту да се извинат
Денеска сите тешки лаги кои што ВМРО-ДПМНЕ ги пласираше потонаа. Потона уште еден Титаник на ВМРО-ДПМНЕ.
Заедно со нивниот коалициски проруски партнер Левица, гушнати во деструкцијата и желбата да и наштетат на сопствената држава и на сопствениот народ.
Со денови Христијан Мицкоски, Димитар Апасиев и бројни функционери на ВМРО-ДПМНЕ и Левица ширеа лаги дека државата ќе се бугаризира, дека јазикот и идентитетот се распродадени, смислено и тенденциозно создаваа хистерија во јавноста за да нанесат штета на државните позиции.
Сите тие смислени лаги за нанесување штета на државата потонаа.
Толку ниско се паднати Мицкоски и ВМРО-ДПМНЕ што немаат образ ниту да се извинат.
Затоа се опозицијата и ќе останат уште долго во опозиција.
Претседателот на СДСМ и на Владата, Димитар Ковачевски покажа државништво, покажа како се брани национален и државен интерес, како се штити националното достоинство на македонскиот народ“, велат од СДСМ.