СДСМ: ДПМНЕ ја претвори Македонија во приватна компанија

Од:

ДПМНЕ предводена од Мицкоски ја претвори Македонија во приватна компанија за семејни и партиски вработувања. Државните институции се полнат со кадри чии главни квалификации се фамилијарните и партиските врски, додека младите и способните луѓе ја напуштаат земјата. Семејството Андоновски е само врвот на ледениот брег. Тате Љупчо советник, бате Игор началник, синот Стефан министер – сè во владините институции кои служат на интересите на ДПМНЕ. Ова е дрзок непотистички систем кој покажува дека способноста и квалификациите се неважни во Македонија под нивна власт, велат од СДСМ.

„И додека партиските функционери си ги вдомуваат семејствата, младите и образованите луѓе се оставени на милост и немилост – со минимални можности за работа и достоинствен живот. Наместо да ја користат својата енергија и потенцијал за напредок на земјата, тие се принудени да заминуваат во странство, бидејќи тука има место само за роднините на функционерите од ДПМНЕ.

ДПМНЕ не нуди правда, ни еднакви шанси, туку создава систем кој ја убива надежта. Непотизмот и судирот на интереси кои ги практикуваат директно ги удираат граѓаните – од институциите, од економијата, од безбедноста. Владата не работи за народот, туку за „своите“. Младите во Македонија заслужуваат правда, еднаквост и можности, а не партиска диктатура. Доста е од овој трул систем кој гуши таленти и го поттикнува иселувањето. Време е за промени!“, тврдат од партијата.

Би можело да ве интересира

СДСМ: Андоновски да не релативизира, Клинчарова им е надредена на сите што ги спроведувале тендерите

Андоновски вели нема конфликт на интереси во тоа што фирмата на сопругот на државната секретарка добила тендери, таа не учестувала во постапката

(ВИДЕО) Во Министерството на Андоновски, жената Државен секретар, мажот добива тендери обвинува СДСМ

Катерина Ѓуровски

ВМРО-ДПМНЕ: Голиот популизам и лошите економски политики кои Трендафилов ги шири, се директно по нарачка од Бихаќка

СДСМ: Оваа власт не е влада за граѓаните – ова е власт што живее на грбот на народот

Василевска: ДУИ сака да создаде еден впечаток врз основа на кој се прикажува како жртва