Граѓанскиот активист и член на Левица, Здравко Савески ја поздрави одлуката за оставка на пратеникот Павле Богоевски и побара оставка и од пратеничките Ивана Туфегџиќ и Ирена Стефоска. Тој на својот „Фејсбук“ профил напиша дека е правилно што оставката ќе стапи на сила по гласањето за одземање на мандатот на Груевски, а на пратеничките им порача дека единствена опција е да поднесат оставка , ако немаат волја и храброст да ја критикуваат власта.
„Павле Богоевски си поднесе оставка. Правилно. И таа оставка ќе стапи во сила по гласањето за одземање на мандатот на Груевски. И тоа правилно. Мило ми е што остана барем малку принципиелност кај Павле. Мораше цела јавност да го притиска за да поднесе оставка, но ајде, сепак поднесе оставка. Оставка треба да поднесат и Ивана Туфекџиќ и Ирена Стефоска. Ако немате волја или храброст да ја критикувате власта за злоупотребите што ги прави, единствената достојна опција е оставката! Можно е сето ова со аудио-снимката СДСМ да му го збибери на Павле. Но, она што требаше да го знае, уште кога на протестите се врза со СДСМ, кој со ѓаволот тикви сади…“ напиша Савески.