Павле Богоевски поднесе оставка на пратеничката функција

Од:

Пратеникот Павле Богоевски претпладнево до собраниските служби ја достави оставката, која ја најави на седницата на Комисијата за деловничко-мандатно и имунитетни прашања пред отворањето на точката на дневен ред за одземање на мандатот на пратеникот и поранешниот премиер Никола Груевски, кој доби политички азил во Унгарија.

За Богоевски, кој е претседател на Комисијата, беше објавен компромитирачки телефонски разговор, за што од опозицијата беше обвинет дека го крши етичкиот кодекс и е недостоен за вршење на пратеничката функција.

Независниот пратеник, кој е дел од пратеничката група на СДСМ, по ова најави дека ќе поднесе оставка, но откако ќе гласа за одземање на мандатот на поранешниот премиер Груевски.

Инаку, почетокот на 102. собраниска седница доцни и како што најавија од Кабинетот на претседателот на Собранието, ќе започне во 12:30 часот. Одложувањето е поради средбата со чешкиот премиер.

Се очекува, според информациите од Собранието, на седницата да биде констатирана оставката на Груевски, следејќи претходни примери на пратеници кои не биле лично на седница. За гласањето на Извештајот на Комисијата за мандатно-имунитетни прашања на владејачкото мнозинство му е потребно двотретинско мнозинство, кое во моментов го нема.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови