Богоевски: Левица има над 30.000 евра во „Еуростандард“, на изборната сметка стои кодот на банката

Од:

Поранешниот пратеник во Собранието Павле Богоевски на својот профил на Фејсбук напиша дека партијата Левица има повеќе од 30.000 евра во пропаднатата банка „Еуростандард“, што, според него, се гледа од партиската сметка на изборите, на која стои кодот на банката.

dobivaj vesti na viber

“Извесно е дека правното лице Политичка партија Левица има депозит поголем од 30.000ЕУР во Еуростандард Банка. Партиската сметка за изборите е со код на Еуростандард Банка,“ вели Богоевски во објавата, која е своевиден одговор на денеска соопштените заложби на лидерот на Левица Димитар Апасиев за „антилихварско законодавство“.

„Затоа се изненадив кога димчевистиве со молскавична брзина се потресоа во име на „обесправениот работник и граѓанин“. Профата со 10,00 просек не ги забележал предупредувачките знаци кои ги забележале многу други и си ги повлекле сретствата. Затоа и во моментот на пропаѓањето само 74 ентитети имале депозити поголеми од 30.000 ЕУР во Еуростандард Банка. Па сега уште и пампари со некави реформи за „антилихварско банкарство“.

Да се разбереме – пропаѓањето на Еуростандард е трагедија која ќе ги влоши и искомплицира животите на голем број граѓани кои имаат заштедено во банката и ќе ја загрози ликвидноста на голем број фирми. Дополнително, Менаџментот и тимот на Еуростандард низ годиниве имаат донирано огромни пари во хуманитарни цели и имаат помогнато на голем број луѓе и ако ништо друго – од тој аспект ми е жал што повеќе нема да бидат на сцената и што броен и професионален кадар ќе треба да бара нови работни места.

Ама друштво – парите на ВИСТИНСКАТА работничка класа, таа што нема депозити поголеми од 30.000 ЕУР – се заштитени и ќе бидат директно обесштетени. Сретствата ќе може да си ги побараат и останатите доверители преку стечајната маса, ама за жал тоа ќе оди подолго и потешко. Тоа е реалноста.

Многу ми е криво што ќе му заглават парите на димче ама нели левица беше партија од народот за народот на која не и’ требаат тешко заработените пари на граѓаните???

Во меѓувреме со најавените реформи на банкарскиот сектор димче ќе може само да се слика и да држи пресови – бидејќи тој текст никогаш нема да биде преточен во Закон. И тој го знае тоа, ама не му е важна ниту реформата, ниту граѓаните – туку само публицитетот кој ќе си го добие пенавејќи се на сметка на „лошите капиталисти“.

А да – очигледно и многу му е гајле за парите на обесправените граѓани, се’ додека тој лично е „најобесправениот,“ напиша Богоевски.

Би можело да ве интересира

СДСМ: Мицкоски со Апасиев станаа едно, здружени против ЕУ

Катерина Павлова-Николовска

ЗНМ и СЕММ: Стигматизирачки и омаловажувачки пристап на Апасиев кон новинарите

Се огласи и Апасиев по инцидентот со Костовски во Собранието

Горан Наумовски

(ВИДЕО) Џафери кон Апасиев: Не мафтај со прст да не ти биде скршен тој прст

Левица: Без предупредување и со дрско однесување правеа претрес на кампот пред Собранието

Кузеска: Насилството го покажа вистинското лице на анти европската коалицијата ВМРО ДПМНЕ – Левица

Катерина Павлова-Николовска