Во кривичниот суд продолжи рочиштето за предметот на СЈО, под кодно име „Титаник“ со репродукција на бомбите. Во разговор од 1 јуни 2011 година разговараат ексминистерот Миле Јанакиески со Мартин Протоѓер.
Протоѓер на 4 дена пред парламентарните избори во 2011 година, на Јанакиески му вели: „Дај му на Кире податоци за цигани, мигани, све живо. Денеска до 3 да завршите работа со исплата со се. Купени се виша пола“.
Во друг разговор, обвинетата Катерина Веловска на Миле Јанакиески му вели дека работи интензивно во кол-центарот: „Вртиме на списоците што ги собираше ти. Само на одговорните вртиме, на никој друг“.
Во следен разговор соговорник го прашува Миле Јанакиески на денот на изборите 5 јуни 2011 година дали почнале да ги читаат од СДСМ на глас во избирачките одбори: „Почнаа ли да ги читаат овие од СДСМ на глас?“ Миле раскажува дека станал рано во 6.50 и бил по избирачките места.
Васко Маглешов