Само два часа по отварањето на гласачкото место во Теарце, гласањето беше прекинато.
Неколку гласачи кои пристигнаа да го дадат својот глас во училиштето каде се одвива гласањето беа вратени назад и им беше речено да дојдат за еден час бидејќи и двете УВ ламби наменети за проверка не работат.
Од избирачкиот одбор претходно не пријавија дека имаат никакви проблеми со изборниот материјал.
Првично претседателката на изборната комисија на местото 2011 најави дека ќе мора околу еден час да биде затворено гласачкото место, додека да се обезбедат нови ламби или пак да се поправат оние кои веќе се на избирачкото место.
Прекинот, сепак траеше само околу 20-ина минути, по што гласањето продолжи.