Откриена болеста „њукастел“ во одгледувалиште во општина Гази Баба

Од:

Во одгледувалиште на живина во општина Гази Баба откриена е болеста њукастел. Агенцијата за храна и ветеринарство денеска соопшти дека болеста не е зооноза, односно не се пренесува и не е опасна за луѓето.

dobivaj vesti na viber

Вирусот е лабораториски потврден вчера од страна на Факултетот за ветеринарна медицина.

Донесено е решение со кое му се наложува на одгледувалиштето на бројлери да ја уништи живината и да ја повлече и уништи целата дистрибуирана количина месо. Наложено е и отстранување или спроведување на соодветен третман на секоја супстанција или отпад, храна за животни, шталско ѓубре на фармата, кои може да бидат контаминирани.

– Во одгледувалиштето ќе се спроведе епизотиолошко испитување и утврдување на евентуалната контаминација со овој вирус и на соседните одгледувалишта. Одгледувалиштето, возилата за превоз и опремата, наложено е темелно да се исчистат и дезинфицираат. Нова живина нема да смее да се внесува пред истекот на 21 ден од спроведувањето на мерките за дезинфекција, односно се додека официјален ветеринар не го прогласи одгледувалиштето за слободно од болеста, велат од АХВ.

Контрола и мониторирање од страна на официјалните ветеринари ќе се спроведе и во зоната под надзор што ги опфаќа населените места Петровец, Илинден и Кисела Вода, како и во општините Зелениково и Студеничани, кои со ова решение се дефинирани како зона под ограничување.

Би можело да ве интересира

Во Кина откриен нов опасен вирус, досега се пријавени 35 заболени

Во Србија регистриран прв случај на заразено лице со вирусот Западен Нил

Градоначалникот на Гази Баба ги демантира СДСМ: Наводите се невистинити со цел замајување на јавноста

Ана Ололовска

Борис Георгиевски до Димче Арсовски: Не е лесно да си портпарол во партија поврзана со многу криминални афери

Ана Ололовска

Борис Георгиевски: Нов ден за нови лаги на ВМРО-ДПМНЕ и Димче Арсовски.

Ана Ололовска

Кривична пријава против поранешен директор на АХВ за „злоупотреба на службена положба“

А1он