Се уште нема никаква помош за младата кумановка, Даниела Бошковиќ, која итно мора да се оперира, поради карцином на вилицата.
Кумановката веќе неколку месеци без лекови, храна и основни услови за пристоен живот на еден човек се бори со опасната болест.
По апелот во медиумите, Министерството за труд и социјална политика се предомисли и донесе решение да и ја врати укинатата социјална помош, но ниту денар до сега никој не одвои за да и помогне на оваа самохрана мајка која е прогласена за работнонеспособна.
Мајката на Бошковиќ, Јаворка Петковска вели дека постојано им се јавуваат луѓе за да им помогнат, но на жиро сметката нема пристигнато ниту денар.
Пред една недела претставници од една адвокатска канцеларија од Куманово и ветиле дека ќе и обезбедат бесплатна правна помош како и дека ќе најдат парични средства. Дотогаш кумановчанката е оставена сама на себе помеѓу четирите изнјамени ѕида на сиромаштијата и бескрајноста на нехуманото општеството во кое живееме.
Бошковиќ има две малолетни деца и живее во изнајмен стан со нејзината мајка. Освен што се бори со болеста, се грижи и за струјата која што неколку месеци не е платена, но и дека наскоро може да остане без покрив над главата, бидејќи сопственикот на куќата бара да му се плати киријата за заостанатите три месеци.
Елена Георгиевска