Муареми со кривична против Русковска, Трајчева и Јосифовска за незаконскиот претрес во финансиска полиција

Од:

Кривична пријава против шефицата на Основното јавно обвинителство за гонење организиран криминал и корупција Вилма Русковска и против обвинителките Ивана Трајчева и Елизабета Јосифовска за незаконскиот претрес во Управата за финансиска полиција најави денеска директорот на Управата, Арафат Муареми. Кривината пријава против обвинителките е за злоупотреба на службена положба и овластување, за фалсификување службена исправа и за соизвршителство.

dobivaj vesti na viber

„Републичкото јавно обвинителство ги потврди сомнежите на Управата дека ОЈО ГОКК постапувало спротивно на одредбите од Законот за кривична постапка, односно пред судот дало лажни податоци дека Јавното обвинителство има основи на сомнение дека е сторено кривично дело, додека во списите од предметот има само анонимна кривична пријава, непоткрепена со ниту еден доказ или со други средства за да има основи за барање претрес на простории на државен орган и претрес на лице. Ние во старт знаевме дека се работи за блеф, за злоупотреба на функцијата, за прикажување лажни податоци, за немање основ да се бара наредба за претрес, што се докажа и со надзорот. Во најмала рака очекуваме шеф на ОЈО ГОКК да познава дел, ако не цел, Закон за кривична постапка. Ова нема да го премолчиме и за ова јас ќе поднесам кривична пријава против Вилма Русковска, Ивана Трајчева и Елизабета Јосифовска“, најави директорот Муареми.

Тој ја потсети Русковска дека претресот е направен во државен орган, а Законот за кривична постапка гласи „кога претрес се врши во простории на државни органи, институции што вршат јавни овластувања, ќе се повика нивниот старешина да присуствува на претресувањето“, што не било направено.

„Во овој случај, бидејќи претресот беше во Управата за финансиска полиција, а имаа наредба и за мој личен претрес, истражителите не смееја да го извршат претресот, не смееја ни да почнат со истиот без присуство на старешина – во овој случај министерот за финансии, или од него назначено лице, да присуствува на претресувањето, со оглед на тоа што Управата за финансиска полиција е орган во состав на Министерството за финансии“, објасни директорот Муареми.

Тој смета дека претресот во Управата бил за лична сатисфакција на одредено лице, за негово јавно деградирање како директор на Управата  и рушење на угледот на Управата за финансиска полиција

Би можело да ве интересира

Стефанова тврди дека продолжила кај што Русковска застанала за Муареми

Кристијан Ландов

(ВИДЕО) Тупанчески за „војната“ Русковска-Муареми: Таму се случува нешто што не треба

Кристијан Ландов

Муареми ќе го гони обвинителката која се спогоди за „Империја“, а Спасовски е во рацете на обвинителката која го гони Зеќири

Кристијан Ландов

Пеливанов на местото на Русковска, додека таа е суспендирана

Кристијан Ландов

Русковска останува супспендирана, не убеди ниту еден член на Советот на јавни обвинители дека е во право

Кристијан Ландов

Именуван в.д. директор на Финансиската полиција, Муареми е разрешен

Кристијан Ландов