Минарето на охридската џамија доби нов кат, никој не смее да го сопре градењето

Од:

Минарето на Али-пашината џамија во Охрид и натаму се гради, без потребните дозволи. Охриѓани велат дека е кренат уште еден кат, а од зелената ограда поставена околу минарето не се гледа конструкцијата. Градежните активности кусо беа прекинати само од лошите временски услови, но не и од инспекциските служби. За изградба на минарето, треба да се издаде дозвола за градба од ресорното министерство, во спротивно тоа ќе треба да се отстрани.

Премиерот Зоран Заев вети дека ќе се сопре со градење на дивоградбата на Али-пашината џамија. Тој пред една недела во изјава за „А1 он“ беше дециден дека доколку и натаму минарето се гради без договор, тогаш ќе постапат институциите. Но, инспекциските служби не излегоа на увид, а на локацијата во старата охридска чаршија и натаму непречено си работат мајсторите.

Пред изборите, кога Заев бараше гласачка поддршка за кандидатот за градоначалник на Охрид, Константин Георгиевски и за претседателот Стево Пендаровски, категорично рече дека нема да се гради сè додека не се најде решение, а разговорите ќе продолжат по изборите. До овој момент ниту е закажана ниту е одржана нова средба меѓу здружението „Совест“, градските власти и ИВЗ.

Михаил Трендафилов-Нанче од „Совест“ на последната средба со медиумите посочи дека проблемот го забележале во замешаноста на политиката, а не во неспособноста на институциите.

„А1 он“ претходно објави дека пазарот за изградбата на минарето е направен. Неофицијално, ИВЗ ќе направи отстапки во висината на минарето, кое, наместо 32, ќе биде 25 метри, за да ги затворат спорните прашања со Владата. Премиерот Заев го негира ваквиот договор, а од ИВЗ немаат конкретен одговор.

Би можело да ве интересира

Побарани казни за двајца непочитувачи на здравствените прописи во Охрид

Ана Ололовска

Заев: Пред 27 години нашата државност, посебност, нашиот идентитет и култура беа признаени и верификувани од целата меѓународна јавност

Ана Ололовска

Мерки на Кризниот штаб во Охрид за престојните забрани за движење во викендите

А1он

Во Општата болница во Охрид шест лица со симптоми на Ковид-19

Ана Ололовска

(ВИДЕО) Заев: Влегуваме во критична фаза од борбата со коронавирусот, заедно ќе победиме!

Ана Ололовска

ВИДЕО: Заеви донираат 700 пакети храна за жителите на Куманово и Дебар

Ландов