Меџити нема намера да даде оставка: Собранието и пратениците одлучуваат кој ќе биде министер

Од:

Министерот за здравство, Фатмир Меџити не планира да поднесува оставка се додека Собранието не одлучи спротивно. Тој вели дека оставка се поднесува кога се работи чесно, а тој не се гледа меѓу таквите кадри.

„Се покажа дека ДУИ преку Артан Груби реши докрај да оди против граѓаните и здравствените работници”, рече Меџити.

Наспроти веќе најавеното дека Управниот совет на Алијанса за Албанците предложи нов министер за здравство да биде Илир Демир, Меџити вели дека не знае кој би можел да го наследи на функцијата.

„Прво да видиме дали ќе бидеме разрешени. Собранието и пратениците ќе одлучат кој ќе биде министер”, рече Меџити.

Министерот Меџити на оваа функција е 11 месеци, како кадар на Алијанса за Албанците. Неговото разрешување беше побарано откако застана зад лидерот на партијата, Арбен Таравари, дека Алијансата треба да влезе во опозициската коалиција за време на изборите, додека пак крилото предводено од неговиот претходник, Зијадин Села, смета дека партијата на изборите треба да излезе самостојно.

Би можело да ве интересира

ВРЕДИ го нарекува Таравари „бегот од Гостивар“ кој се враќа во криминалниот котел на ДУИ

Таравари: Распишувањето на предвремени избори зависи од ВМРО-ДПМНЕ

А1он

Заврши средбата Мицкоски – Таравари, до крај на мај ќе се знае иднината за функционирањето на АА во Владата

А1он

Таравари ќе му објаснел на Мицкоски работи што не ги знаел, премиерот вели никого не моли

Катерина Ѓуровски

Алијанса ниту е такси за превоз, ниту е чамец за спасување, реакција на Таравари

Останува ли Таравари во Владата, денеска треба да му каже на Мицкоски