Црногорскиот премиер Душко Марковиќ изјави дека е задача на Македонија, а не на Црна Гора, да се грижи поранешниот премиер Никола Греувски да не побегне.
Тој му порача на македонскиот премиер Зоран Заев да се позанимава со прашањето зошто на време не беше распирашана потерница за Груевски.
Коментирајќи ја изјавата на македонскиот премиер, кој пред неколку дена рече дека се чуди што четири земји – пријатели на Македонија, го дозволиле бегството на Груевски преку своите територии, Марковиќ рече дека експремиерот низ Црна Гора поминал целосно законски, со лични документи.
– Влезе во Црна Гора и замина за Србија. Во тој момент, според податоците со кои располагаше Црна Гора, за Груевски не беше распишана потерница, ниту имаше интересирање од Македонија, рече Марковиќ.
– Мојот пријател Заев нека се позанимава со фактот зошто на време не беше распишана потерница за Груевски и како успеа да влезе во земја-членка на ЕУ без пасош – тоа прашање не може да ѝ се постави на Црна Гора, реагираше Марковиќ во интервју за РТЦГ.