Маричиќ гледа позитивно на извештајот од ЕК: Имаме напредок во 80 отсто од поглавјата, не е нотирано назадување

Од:

Вицепремиерот за европски прашања Бојан Маричиќ не гледа дека извештајот на Европската комисија е негативен за Македонија. Според него, има напредок во 80 отсто од поглавјата.

„Комисијата дава објективен пресек на напредокот но и на слабостите. Произлегува важна порака, имаме напредок во 80 отсто од поглавјата, а не е нотирано назадување. Оценката е добро ниво во 2023 година и е солидна константа веќе неколку години наназад. Во делот на кластерот Фундаментални вредности, се нотира дека државата испорачува резултати“, вели Маричиќ.

Според него, позитивен е планот за раст, кој предвидува трансфер на пари кон земјите кои преговараат, но уште не се членки на Европската Унија.

„Го поздравуваме планот за раст. Ние како држава побаравме од ЕУ да можеме да ги користиме придобивките и пред да станеме членки. Заедничка цел наша и на ЕУ е до април 2024 година е да се направи прв трансфер на средства кон Македонија и кон Западен Балкан. Тоа значи дека ако забрзаме, првиот трансфер може да го имаме за 5 месеци од сега“, вели Маричиќ, кој додаде дека опозицијата прави опструкции за европскиот пат на земјата.

За разлика од него, евроамбасадорот Дејвид Гир даде низа критики, дека во Македонија има зголемена висока корупција, злоупотреба на ЕУ знаменцето, но и дека има недоверба во судиите.

Би можело да ве интересира

Стоматолошка комора: Со доставувањето наводни докази на Алиу до ЈО конечно ќе може да се потврдат тврдењата за исправноста во нашето работење

Реакција од општина Карпош во врска со барањата за легализација

ВМРО-ДПМНЕ: Венко Филипче, 20 дена не е појавен во Македонија

Службеник од општина Шуто Оризари присвоил од општинскиот буџет 3.600.000 денари

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

Македонија нема механизам за заштита на жртвите од родово и семејно насилство