(ВИДЕО) Лазаревски до Мијалков: Директоре, па јас прв ве внесов во просторијата за прислушување

Од:

„Свиркачот“ Ѓорѓи Лазаревски кој незаконски прислушуваните разговори ги извадил од МВР и ги предал на Зоран Верушевски, на денешното рочиште за случајот „Таргет-Тврдина“ рече дека тој прв во 2006 година го внел новиот директор на УБК, Сашо Мијалков, во просторијата каде бил поставен системот за прислушување.

На прашање на адвокатот на Мијалков, Љупчо Шврговски, кој се имал пристап во просторијата, која се наоѓала на четвртиот кат во зградата на Граничната управа, каде стоела машината, Лазаревски одговори дека покрај осумте лица маркирачи и одржувачи на системот, можност за влез во просторијата имал и Сашо Мијалков. Ексдиректорот на УБК на овој одговор се насмеа, на што Лазаревски му кажа „Директоре, па јас прв ве внесов во просторијата за прислушување“.

На денешното рочиште, Лазаревски преку прашањата на адвокатите на обвинетите во случајот за нелегалното прислушување „Таргет-Тврдина“ го појаснува начинот на кој успеал да влезе во системот. Тој истакна дека во 2008 го искористил тоа што лозинката на главниот администратор за влез во системот не била променета и влегол со цел да ги види логовите, односно аквивностите кои биле вршени во системот, односно времето кога корисникот влегувал и излегувал во системот и броевите кои биле поставувани и прислушувани.

– Никој ми немаше поставено забрана за пристап да влезам во системот, иако веќе не работев на него. Ако некој сакал да не влезам, ќе го променел пасвордот. Го искористив моментот што пасвордот не беше променет, уште од кога јас бев началник на оперативната техника, до 2006 година, рече Лазаревски.

Во предметот „Таргет-Тврдина“ на специјалното јавно обвинителство обвинети се поранешниот началник на Петтата управа во МВР, Горан Грујевски, Никола Бошкоски, поранешната министерка за внатрешни работи Гордана Јанкулоска, поранешниот директорот на УБК Сашо Мијалков, Тони Јакимовски, Владимир Варелов од УБК и уште пет други лица од Управата.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви, за кои воопшто не биле издадени судски наредби. Прислушувани биле над 20 илјади граѓани.

Виктор Јованов

Би можело да ве интересира

Пресуда: 300 евра казна и 3 години забрана за влез за уапсените бугарски државјани

Анита Петровска Рајковиќ

Бубевски: Умислата е причина за Тачи да биде построго казнет, за Мијалков е побудата поради која го сторил делото

Кристијан Ландов

ВИДЕО: Мијалков овојпат со затворско комбе симнат позади судот, завршни зборови за „Титаник 2“

Кристијан Ландов

ЕУ бара од нашите судови да одземаат се што се украло, а не само мобилни и автомобили

Орце Костов

За Мијалков призна дека е привилегиран, за замолчувањето на Боки 13 ги компромитира Маричиќ и Тупанчески, за Јанкулоска признава дискриминација – интервју со директорот за санкции

Кристијан Ландов

Сашо Мијалков не ја дочекал новата година во затвор, бил на викенд

Кристијан Ландов