Ковачевски за средбата со Заев и Ахмети: Зборувавме за настапот на партиите на изборите и за членството во ЕУ

Од:

Премиерот и претседател на СДСМ, Димитар Ковачевски ја потврди вчерашната средба со неговиот претходник Зоран Заев и лидерот на ДУИ, Али Ахмети.

„Имавме средба со господинот Ахмети и поранешниот претседател на СДСМ, Зоран Заев. Јас и поранешниот претседател Заев се знаеме 32 години, сме учеле факултет заедно, така да неретко се случува да комуницираме, да имаме ручек кој што трае четири, четири и пол часа на кои разговараме на многу теми. Вчера разговаравме за тоа како државата треба да напредува кон полноправно членство во ЕУ. Секој од нас можеше да ги сподели искуствата од мандатите кој што ги имал. Разговаравме како би требало да изгледаат настапите на политичките партии на изборите, секој низ призмата на искуството што го имал“, рече Ковачевски.

Тој рече дека се прават анализи дали на изборите ќе излезат во коалиција со ДУИ, или пак само со традиционалните коалициони партнери.

„Сметам дека на државата и треба европска коалиција за сигурна иднина, а не за изолации. ВМРО-ДПМНЕ за жал повторно нема концепт кој што гледа напред. Сите нивни изјави се за некакви сценарија кои не се реални“, посочи Ковачевски.

Би можело да ве интересира

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Петрушевски: Ако Филипче и СДС не го осудат говорот на омраза на Орданоски кон Трамп и САД тие даваат сигнал дека се согласуваат

Кузеска: Историски најголема партизација, 3000 партиски кадри ќе вработи Изет Меџити

ДУИ: Изет Меџити останува без надлежности во Министерството за животна средина по обвинувањата за корупција и уцена

ВЛЕН: ДУИ да го почне ветингот од својот претседател

Венко Филипче единствен кандидат за претседател на СДСМ за партиските избори на 16 март