Камчев останува во Шутка, притворот му е продолжен

Од:

Судија на претходна постапка од Кривичниот суд му го продолжи притворот на бизнисменот Орце Камчев поради постоење на сомневање дека тој може да избега, за да се спаси од кривичен прогон. Одлуката е донесена откако обвинителката Лиле Стефанова го побара тоа од судот, во петокот.

„Постапувајќи по предлогот на Основното јавно обвинителство за гонење организиран криминал и корупција за продолжување на мерката притвор за Ј.К., донесе решени со кое сеуште постојат околностите од член 165 ст.1 т.1 од ЗКП и го прифати предлогот на обвинителството со што ја породолжи мерката притвор за 30 дена”, велат од Кривичен суд.

Бизнисменот Орце Камчев, по одредувањето на првиот притвор и спроведувањето во затворот „Скопје“, негираше дека сакал да бега. Тој рече “Ма какво бегање”, одговарајќи на прашањето од „А1он“ дали планирал бегство. Тој 29 дена ги поминува во затвор.

Претходно, адвокатите се жалеа и на условите во кои Камчев е сместен во затворот „Штука“. Ова го негираше директорот на затворот, Филип Андов. Народниот правобранител Насер Зибери констатираше дека Камчев сепак бил сместен во несоодветна просторија со несоодветни услови. Во меѓувреме проблемот е надминат, кажа Зибери за „А1он“, а Камчев бил преместен во друга просторија.

Притворот на Камчев му е одреден за предметот „Плацеви на Водно”.

Би можело да ве интересира

Пет дена по враќањето од клиника во затвор, Камчев не се жали на здравствени проблеми

Кристијан Ландов

Судењето против Камчев за „Плацови на Водно” почнува на 16 јули

Ана Ололовска

(ВИДЕО) Менкиноски: Русковска не ја кажува вистината кога вели дека фамозната белешка не е доказ за притворот на Камчев

Катерина Павлова-Николовска

Тајната белешка за Камчев не протекла од кај Пендаровски, на Мицкоски не му е чудно што е јавно објавена

Кристијан Ландов

Се проверува дали повторно протече документ за Камчев, АНБ и Стефанова ги споредуваат белешките

Кристијан Ландов

Менкиновски: Судска одлука не може да се заснова врз докази прибирани на незаконит начин

Ана Ололовска