„Империја“: Камчев се спогоди и исплати пет милиони на државата, a со Јосифовиќ добија и по една година затвор

Од:

Бизнисменот Орце Камчев се спогоди за случајот „Империја“. Обвинението ќе биде повлечено и за неговата сестра Кристина Камчева – Стојчевска, како и за мајка му Ратка Куноска – Камчева. „А1он“ од судски извори дознава дека Камчев во државниот буџет веќе исплатил 5,3 милиони евра. Со судската спогодба, тој се согласил да добие една година затвор, со што, случајот за него ќе биде целосно запрен. Исто така, Камчев заедно со Ненад Јосифовиќ ќе и исплатат и 1,7 милиони евра на Кираца Трајковска, која беше акционерка во „Фершпед“ и се водеше за оштетена во случајот бидејќи Камчев и Сашо Мијалков беа осомничени дека ја измамиле и ја натерале да ги продаде акциите, од кои за неколку дена заработиле околу три милиони евра.

dobivaj vesti na viber

Спогодба според извори на „А1он“ во судот има и бизнисменот Ненад Јосифовиќ. Тој исто така се спогодил со обвинителката Лиле Стефанова и добил една година затвор. Со оглед дека повеќе месеци беше во притвор, тој има помалку од година затвор за издржување, со што ќе може да побара одлагање и да користи погодности.

Иницијатива за спогодување има и ексдиректорт на УБК, како и осомничен во „Империја“, Сашо Мијалков. Засега, нема склучена спогодба и со него се преговара. Обвинителката Стефанова веќе кажа дека спогодувањето зависи од тоа дали осомничените бизнисмени се спремни да ги вратат парите кои ги стекнале со кривични дела во буџетот.

Кривичниот суд нема изготвено писмена одлука за спогодбата. Извори за „А1он“ велат дека таа ќе биде направена во идните денови. Истовремено, одмрзнат е и имотот, со оглед дека оштетеното побарување е наплатено по спогодувањето.

Првичната истрага за „Империја“ според Обвинителството покажала дека осомничените испрале 8 милиони евра пари од Македонија и 2,5 милиони од странство, преку оф шор компании. Тие, според првичната истрага и информациите кои Обвинителството ги споделуваше, го оштетиле Буџетот на Македонија за речиси 6.3 милиони евра.

Сега, прогонот за Камчеви и Јосифовиќ за дел од случајот „Империја“ кој се однесува за перидоот до 2009 година е запрен. Останува и натаму да се види дали Стефанова ќе се спогоди или ќе поднесе обвинение за бизнисменот Цветан Панделески, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела: Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело.

Би можело да ве интересира

„Империја“: Мијалков се спогоди на три години затвор и да даде имот вреден над 20 милиони евра, сосе уделот во „Мериот“

Кристијан Ландов

Караници меѓу сестрата на Камчев, Боки 13 и адвокатот, судијата смируваше: „Тужи ме колку сакаш“

Кристијан Ландов

Сестрата на Камчев за позајмените пари: Планира да ми ги врати, досега не ме изиграл

Кристијан Ландов

Судењето за милионот одложено, сведоците не дојдоа, тужените бараа да се суди без нив

Ландов

Стефанова ја објави шемата за затајување данок на Камчев и Јосифовиќ, за која признале вина и се спогодиле

Ландов

ВИДЕО: Бизнисмени бараат спогодби за „Империја“, Стефанова бара да ги вратат парите кои ги стекнале со кривични дела

Кристијан Ландов