Еврокомесарот Јоханес Хан попладнево изрази сочуство за граѓаните на Скопје кои загинаа во синоќешното невреме и понуди помош.
– Сочуство до фамилиите на жртвите на поплавите во Скопје и Тетово. Европската унија е подготвена да помогне, напиша Хан на Твитер.
Сочувство до семејствата на загинатите на твитер изрази и досегашниот евроамбасадор Аиво Орав. – Најдлабоко сочуство до семејствата кои ги изгубија своите сакани за време на поплавите, е пораката на Орав кој воедно посакува брзо опоравување на повредените.
Скопје вчера беше зафатено од силно невреме. Најголеми штети се предизвикани во Стајковци, Сингелиќ, Смилковци и Арачиново каде се најдени и 21 загинато лице, шестмина се водат како исчезнати, а има и многу повредени. Пријавени се и срушени и поплавени куќи и возила. Невремето погоди и дел од Тетовско.