(ВИДЕО) Хан: Уверен сум дека земјава во октомври ќе добие зелено светло

Од:

Еврокомесарот Јоханес Хан на прес-конференцијата во Владата по средбата со премиерот Зоран Заев изјави дека е убеден дека земјава во октомври ќе добие зелено светло за отпочнување на преговорите со ЕУ.

Тој ја пофали Република Северна Македонија дека го испорачала сето она што го барала ЕУ и дека нема сомнеж дека земјата е на вистинскиот евро-атлански пат.

„Очекувам дека во октомври ќе биде завршена таа работа. Очекувавме тоа да се случи во јуни, но за жал не добивме позитивен сигнал, но тоа не значи дека треба да губиме надеж. Земјава многу направи многу и е позитивен пример во регионот, како треба да се работи на реформите“, рече Хан.

Тој додаде дека сепак работата на евро-атланските интеграции не завршува тука и дека земјава треба да направи стабилен судски систем и да го донесе со консензус законот за јавно обвинителство.

„Независното судство, борбата против криминалот и корупцијата и понатаму останува стратешка цел и таа не е важна само за ЕУ, туку за самата држава и нејзините граѓани. Сакам да ја пофалам опозицијата бидејќи е кооперативна во однос на таа цел и се надевам дека ќе покаже волја да биде донесен законот за да продолжат сите судски постапки и да се заокружи тој процес“, рече еврокомесарот.

По средбата со премиерот Зоран Заев, Хан ќе се сретне со лидерот на ВМРО-ДПМНЕ, Христијан Мицкоски, како и со лидерот на најголемата албанска опозициска партија, Биљал Касами и новоизбраниот претседател Стево Пендаровски.

По средбите во Скопје, Хан патува за Белград каде ќе се сретне со српскиот претседател Александар Вучиќ и премиерката Ана Брнабиќ.

Би можело да ве интересира

Бесими-Хан: Направени се суштински реформи во управувањето со јавните финансии во Република Северна Македонија

Хан: Горд сум што придонесов за успехот на Преспанскиот договор

А1он

Хан: Западен Балкан и припаѓа на Европа

Ландов

Хан: Ситуацијата мора да се гледа со голема загриженост поради овластувањата на Орбан

Ана Ололовска

Средби на Димитров со Хан, Дендиас и Бартоло, во фокусот на разговорите нашата европска иднина

Драган Поповски

Хан: Борбата против корупцијата на високо ниво мора да продолжи

Татјана Ташкова