Претседателската кандидатка на Левица, Билјана Ванковска преку Фејсбук кажа како ја финансира кампањата.
„Секое утро добивам извештај од сметката за изборната кампања, и иако приливот со донации на граѓани е скромен, останувам длабоко трогната кога ќе видам донации од 200, 500, 1000 денари. Дал кој колку можел, и најважно не му било тешко да оди до банка и да уплати од срце дури и кога никој не го притиска! Водам најскромна можна кампања ама чекорам со обичен и сиромашен ама чесен свет! Благословена сум со вашата верба и грижа. Ви благодарам прекрасни луѓе (најчесто непознати)“, напиша Ванковска.
Досега, таа е и единствениот кандидат кој кажа колку и како течат донациите од граѓаните кои доаѓаат на наменската сметка за претседателските избори. Целосните извештаи од донациите секогаш излегуваат во јавност по завршувањето на изборите и кога партиите истото го поднесуваат во институциите.
