Основниот суд Скопје 1 наскоро ќе ја соопшти пресудата за случајот “Ровер” во кој како обвинети фигурираат 15 лица, меѓу кои е поранешниот министер за внатрешни работи Љубе Бошковски.
Бошковски е обвинет и за убиството на Марјан Тушевски и Кире Јанев кои беа убиени на 10 јули 2001 година пред кафуле во Капиштец.
Од 15-те обвинети лица, четворица наведени како извршители и еден како организатор се во бегство и иако во текот на судењето одбраната бараше тие да се обезбедат сепак тоа не беше сторено.
Обвинителството го повлече обвинението за петмина од обвинетите.
Бошкоски моментално се наоѓа во затворот „Идризово“ на издржување на петгодишната затворска казна за нелегално финансирање на изборната кампања досудена за изборите во 2011 година.