Адвокатот Петар Василев кој е бранител на обвинети во случајот “Титаник”, побара одлагање на судењето поради случајот “Рекет” и оставката на Катица Јанева, но судот не дозволи.
“По новонастаната ситуација, сметам дека е доволна причина да се одложи денешното рочиште. Нема никаква намера за одолговлекување. Чисто како можност за предметот и правдата да се даде да се расчистат некои работи. Алудираме и на оставката од Катица Јанева, адвокатот Петар Василев.
Судијата Шабани, констатираше дека нема законски пречки за да се откаже судењето каде се изведуваат докази.
“Зборуваме за предмети кои се во надлежност на друго обвинителство. Што ќе се докаже и што ќе се случи, ќе видиме. Нема законски пречки за одржување”, рече судијата Осман Шабани.
На судењето дојде и обвинителката Лиле Стефанова од СЈО. Присутни се и сите обвинети, а дел од нив имаат нови бранители поради летните одмори.
На почетокот судијата Осман Шабани соопшти дека тој не добил решение дека Миле Јанакиевски е во куќен притвор. Јанакиевски за разлика од минатиот пат, сега е донесен на судењето.
Последното рочиште за овој предмет не се одржа, а беше закажано за 26.06. Обвиниети се за изборни нерегуларности. На рочиштето се изведуваат докази.