Трошоците на живот, мерен преку цените на стоките и на услугите за лична потрошувачка, во јануари е зголемен за 0,3 проценти во споредба со декември минатата година.
Државниот завод за статистика денеска објави дека пораст на трошоците има во групите Ресторани и хотели за 3.2 проценти, Здравје за 0,8 проценти, Храна и безалкохолни пијалаци за 0,6 проценти, Алкохолни пијалаци, тутун за 0,5 проценти, Мебел, покуќнина и одржување на покуќнина за 0,3 проценти и кај Облека и обувки за 0,1 процент.
Намалување е забележано во групите: Рекреација и култура за 1,2 процента, Транспорт за 0,8 проценти, Домување, вода, електрика, гас и други горива и Комуникации за 0,4 проценти и Останати стоки и услуги за 0,1 процент.
Во однос на јануари 2012 година трошоците на живот се зголемени за 3,8 проценти.