На овогодишната листа на 40 најбогати Африканци на американскиот магазин Форбс, на прво место е Нигериецот Алико Данготе чие богатство е проценето на 12 милијарди долари.
Богатството на сопственикот на нигериската компанија Данготе која работи во 14 африкански држави е зголемено од ланските 10,1 милијарди долари на 12 милијарди.
На второ место е Ники Опенхајмер од ЈАР чие богатство е намалено во однос на лани за 100 милиони долари и сега изнесува 6,4 милијарди долари.
На листата, најголем број богати луѓе се од ЈАР – 12, од Нигерија 11, осум од Египет и пет од Мароко.