Србија е на врвот, а Босна и Херцеговина е на дното меѓу балканските земји по износот на странски инвестиции во изминатата година.
Ова се наведува во извештајот на Агенцијата на Обединетите нации за економска и трговска организација (UNCTAD), пренесува Investor.
Во Србија минатата година се инвестирани околу 4,6 милијарди долари, потоа во Албанија 1,4 милијарди, Црна Гора со 877 милиони, Северна Македонија со 794 милиони и Босна и Херцеговина со 661 милион долари.
Министерот за финансии на Србија, Синиша Мали неодамна изјави дека Србија заклучно со 20 јуни годинава привлекла повеќе од 1,9 милијарди евра директни странски инвестиции.
„Заклучно со 20 јуни годинава привлековме повеќе од 1,9 милијарди евра странски директни инвестиции, лани тие изнесуваа 4,4 милијарди евра, пред тоа 3,9 милијарди, а во 2020 година 3,8 милијарди евра Станува збор за милијарди евра што доаѓаат во нашата земја секоја година. Тоа се нови фабрики, погони, нови технологии, нови искуства за нас и начини за изградба на одржлива економија и причина зошто имаме позитивни стапки на раст“, рече Мали.