Ковачевски: До 2023 намалување на персоналниот данок во ИТ од сегашни 10 на 0 проценти

Од:

До 2023 година, предвидуваме намалување на персоналниот данок во ИТ секторот од сегашните 10 отсто на 0 отсто што ќе биде силен стимул за младите што повеќе да се насочат кон овој сектор каде од ден во ден се потребни се повеќе работници, посочи денеска премиерот Димитар Ковачевски.

Премиерот најави дека до 2023 година, се предвидуваат низа стимулативни мерки во ИКТ секторот – ослободување од данок за преквалификација, обука, дообука во компаниите, ослободување од данок од трошоците кои се прават за лиценци за ИТ индустријата.

Ковачевски во придружба на министерката за труд и социјална политика Јована Тренчевска и директорот на Агенцијата за вработување Беким Мурати, денеска беа во посета на компанијата „Меџикс“. Станува збор за стартап компанија основана од младата претприемачка Катерина Здравевска со користење на мерката за самовработување на Министерството за труд и социјална политика.

При оваа посета премиерот Ковачевски и посака големи успеси на оваа млада компанија специјализирана за примена на алгоритми од вештачката интелигенција, подвлекувајќи дека претприемачите имаат силна поддршка од Владата, која ќе продолжи да вложува во перспективните компании.

„ Финансиската поддршка на Владата во перспективни компании и стартапи во ИКТ секторот ќе продолжи и ќе расте. Секое ново работно место во оваа индустрија значи добро платена позиција, сигурна кариера и развој на младите и конечно развој на економијата и раст на животниот стандард во земјата”, истакна премиерот Ковачевски.

Тој нагласи дека ИКТ секторот во Македонија во последните години бележи постојан раст во однос на бројот на компании и вработени, раст на извозот и на приходите.

„ Нашите заложби насочени кон натамошно подобрување на условите за работа и растот на оваа индустрија ги преточивме во конкретни мерки на барање на секторот“ порача Ковачевски.

Би можело да ве интересира

УЈП ќе ги објави компаниите од нафтениот бизнис кои затајувале данок

Градоначалникот Ибраими се пофали дека арачиновци плаќаат данок: Општината веќе не е „црна овца“

Александар Тодески

Бугарија ги укинува таксите за транзит на рускиот гас кон Србија и Унгарија

Орце Костов

Ковачевски на Денот на даночници: Со ефикасен даночен систем и позитивни политики ја обезбедуваме финансиската стабилност на државата

Предраг Петровиќ

Во Министерството за финансии треба да се одржи состанок со увозниците на моторни возила

Стопанската комора очекува Законот за солидарен данок да биде повлечен

Горан Наумовски