Во Валандово денеска ќе се одржи фестивалот на диви смокви „Еко росалес“. Гостите ќе можат во живо да видат како се подготвува слатко од диви смокви, да дегустираат, но и да разменат рецепти и искуства.
Поставен ќе биде и мини саем за презентација и дегустација на други македонски традиционални производи од мали производители.
За културно-уметничката програма се задолжени Детскиот фолклорен ансамбл при Домот на културата, „Распеани валандовчани“ и „Бед опсешн“.
Фестивалот ќе го отвори Наќо Кимов, лидер на Слоу фуд Валандово, а најавено е и обраќање на градоначалникот Перо Костадинов.