Изложбата на ликовните уметници Живка Коцева Караџовска, Новица Трајковски, Беди Ибрахим од Македонија и Олга Панкина од Русија е отворена во Домот на култура „Илинден“ во општина Илинден.
Како што информира општина Илинден, изложбата „Водата-извор на животот“ и „Гениј Никола Тесла“ е дел од манифестацијата „Artist on globe“ што се одржа во Водице, Хрватска, по повод Светскиот ден на водата.
Љубителите на уметноста на изложбата можат да видат 30-тина дела.
Живка Коцева Караџоска ја прими Гран при наградата за интернационалниот проект „Никола Тесла“, како и наградата за посебен придонес во ликовната уметност и учество во организацијата на изложбата на манифестацијата „Artist on globe“. Новица Трајковски доби награда за пејзажно сликарство, Олга Панкина од Русија награда за апстрактно сликарство, Меланиа Барбулеску од Романија награда за млад артист и Беди Ибрахим, награда за експериментално цртање.
Изложбата ќе биде отворена до крајот на овој месец.