Машко лице било пронадено починато во пределот на железничката станица во Илинден.
Според лекарите лицето починало од струен удар.
По увидот било констатирано дека се работи за странски државјанин – мигрант кој најверојатно се обидувал да се качи на некој од вагоните при што закачил од жиците кои се под напон.
Од МВР го потврдија случајот.
„ Вчера во СВР Скопје било пријавено дека во 01.10 часот на Железничка станица „Илинден“ било пронајдено починато едно лице-мигрант, кое се здобило со повреди од струен удар.“
Увид на местото бил извршен од екипа од СВР Скопје, а по наредба на Јавен обвинител телото на починатиот е дадено за обдукција, соопшти полицијата.
На истата локација пред неколку месеци загина малолетно девојче кое по игра со другарите се качило на еден од вагон цистерните и допрело од каблите под напон. Девојчето загина на лице место.
По нејзината смрт јавноста апелираше местото да се обезбеди подобро.