Книготека дигитална книжарница – првиот македонски агрегатор за продажба на електронски книги

Од:

За време на овогодинешниот Саем на книга, компанијата Книготека ќе го промовира првиот македонски агрегатор за продажба на електронски книги. Во дигиталната книжарница за почеток може да се најдат книги од неколку познати македонски издавачки куќи, Антолог, Сакам Книги, Или-Или, Бата Прес, Бегемот и Полица.

Електронските книги ќе се купуваат и читаат преку Android апликацијата Книготека, а цените на истите ќе бидат скоро двојно пониски од печатените изданија. Наскоро ќе биде промовирана апликацијата и за корисниците на Ios оперативниот систем.

Книготека апликацијата овозможува избор на книги по омилен жанр, автор, издавач, како и најнови и најпродавани изданија. Пред да се одлучат да купат одредено издание, читателите ќе имаат можност да прочитаат извадок од книгата.

Читањето може да се приспособува во зависност од потребите на читателот, со што е овозможен избор на соодветен фонт, големина на текстот и боја на екранот, подвлекување на текстот и додавање белешки и обележувачи, пребарување во книгата по одреден збор или фраза, пребарување на непознатите поими преку Google и Wikipedia алатките. Купените книги ќе може да се читаат без интернет конекција.

Целта на овој проект, поддржан од Фондот за иновации и технолошки развој, е промоција на дигиталната култура и читањето, технолошки феномен што се помасовно го зафаќа светскиот пазар. Книгите ќе бидат брзо и лесно достапни за секој наш граѓанин, каде и да се наоѓа во светот.

Преземете ја бесплатната апликација и преку брза и едноставна регистрација купете ги најпопуларните книги на македонски јазик.

За времетраењето на Саемот на книга, од 8 до 14 мај, со секое преземање на Книготека апликацијата корисниците добиваат по една бесплатна книга по избор со помош на ваучер што може да се подигне на штандовите на издавачките куќи кои се дел од дигиталната книжарница.

Би можело да ве интересира

„Цепај сине“, купи книга и биди хуман: Ѕоф и „Арс Ламина“ во нова хуманитарна акција

Онлајн-промоција на „Почитувани бубачки и други морничави приказни“од Маша Колановиќ

Кристина Краличин добитник на првата награда на конкурсот „Il Parnaso – Premio Angelo La Vecchia”

Објавена книгата за деца и млади „Диносаурус“ од Аевар Тор Бенедиктсон

Нова книга со раскази „Деконструкција на празнината“ од Даниела Андоновска-Трајковска

Промоција на книгата „Витаминот Д и респираторното здравје“ од Татјана Јаќовска и Весна Мицевска

Ана Ололовска