Кристина Краличин добитник на првата награда на конкурсот „Il Parnaso – Premio Angelo La Vecchia”

Од:

Писателката Кристина Краличин со поемата „На работ на хоризонтот“ преведена на италијански јазик (“Ai Confini dell’Orizzonte”) ја доби првата награда на осмото издание на Меѓународниот конкурс „Il Parnaso – Premio Angelo La Vecchia” 2022/2023.

Краличин ја доби наградата во категоријата „International“, во конкуренција од стотици испратени поеми од целиот свет. За изборот ангажирани беа две нивоа на жири-комисии со лингвисти и поети од повеќе земји во светот.

Второто место и припадна на поетеса од Украина, а третото на поет од Белорусија. Меѓу пофалените во оваа категорија на учесници од целиот свет има дела од поети и поетеси од Бразил, Јужна Кореа, Полска, Албанија, Украина, Зимбабве и Филипини.

Конкурсот е организиран под покровителство на министерот за култура на Италија. Наградите ќе бидат свечено врачени на пролет следната година во Каникати, Сицилија.

Поетскиот конкурс „Il Parnaso – Premio Angelo La Vecchia“ почна да се реализира во 2016 година на иницијатива на порталот „Accademia del Parnaso Canicattinese“, претставен од Алфонсо Месина, од семејството Ла Векија и во организација на здружението за култура Мета, чиј претседател е проф. Калоџеро Ла Векија.

Основната цел на конкурсот е да се запамети и да се прослави вклучувањето на познатите книжевници и писатели во редовите на своите членови, како што се Луиџи Пирандело, Марта Аба, Леонардо Шаша, Бен Газара и други, како и да се потсети на ликот и делото на Анџело Ла Векија (1920-1998), писател, есеист, драматург од Каникати, Сицилија кој напишал над 70 драми, раскази за деца, критички есеи и историски монографии.

Другата цел за постоењето на овој конкурс е да се шири културата на поезијата која претставува универзален јазик кој не познава бариери и граници.

Би можело да ве интересира

Љутков во Охрид: Културното наследство во очајна состојба

Во Белград маестрален концерт на дуото Влатко Стефановски и Васил Хаџиманов

Изложба на кинеска калиграфија отворена во Велес

Во Прилеп завршува МТФ „Војдан Чернодрински“

Двоен „Златен був“ за „Прозаични стихови“ на Али Асгари и Алиреза Катами на 14. Филозофски филмски фестивал

Фестивалот „Преку езерото“ отвора Конкурс за дипломски краткометражен игран или документарен/експериментален филм