Алијанса за Албанците и БЕСА до Државната изборна комисија поднеле 86 приговори за изборниот процес во општина Чаир.
Самиот број на поднесени приговори, како што рече Емат Мехмети од БЕСА, покажува за каков нефер изборен процес станува збор во оваа општина.
Покрај разните неправилности во изборниот процес, имало и огромнен број неважечки гласачки ливчиња, поради што, како што истакна, имаат сериозни сомневања дека манипулацијата е направена токму со нив и затоа поголемиот број приговори се поврзани со тоа.
Од ДИК бараат сериозно да ги разгледа овие приговори и да одлучи непристрасно во интерес на правдата во корист на правдата.