Од јавното претпријатие „Водовод и канализација“ реагираа на денешното соопштение на државниот студентски дом „Скопје“ во кое што обвинија дека им е исклучена водата и покрај тоа што биле известени дека е пронајдено решение за долгот.
Како што се вели во реакцијата уште во јуни било ветено дека Владата ќе ги подмири сметките за вода, но до денес тоа не било случено.
– Владата на СДСМ и директорот на домот не само што немаат платено заостанати долгови од претходните години, туку немаат платено ни една сметка за вода откако седнаa на функцијата, од мај годинава, заклучно со септември и тоа ни една сметка за цели 5 месеци. Не знаеме каде одат парите кога не се плаќаат сметките за основните потреби, велат од „Водовод и канализација“.