Моментно најстариот човек на светот, конечно ја прослави својата Бар Мицва – сто години подоцна отколку што е тоа вообичаено.
Израел Кристал, кој има 113 години, ги има преживеано двете светски војни и Аушвиц. Кога имал 13 години, тој ја пропуштил можноста да го обави ритуалот со кој кај Евреите се означува верското полнолетството, бидејќи токму тогаш Првата светска војна била во својата кулминација.
Викендов, сто години подоцна, таа неостварена желба му се исполни.
– Беше презадоволен додека ја рецитираше традиционалната еврејска молитва на благодарноста, опкружен со најблиските. Неговите деца, внуци и вкупно 30 правнуци се собраа за да ја одбележат церемонијата, изјави неговата ќерка Шуламит Куперстох.
Претходно годинава, тој од Гинисовата книга на рекорди доби и сертификат на најстариот човек на планетата.