Стотици мигранти продолжуваат да ја „окупираат“ автобуската станица во Истанбул

Од:

Стотици имигранти продолжуваат да ја „окупираат“ меѓународната автобуска станица во Истанбул. Според турски медиуми, околу 2.000 лица се во очекување да тргнат кон западните граници на Турција со Грција и Бугарија.

Полицијата, меѓутоа, не им дозволува на автобусите со имигранти да патуваат, при што тие седнале на земја во исчекување да заминат.

Други групи имигранти поставиле шатори кај магистралата за Капакуле во близина на градот Едрене. Турските власти не им дозволуваат да пристигнат до граничниот премин за Бугарија и Грција. Но и покрај тоа, тие одбиваат да се вратат во обратна насока, надевајќи се дека ќе им дозволат да преминат во Грција или Бугарија, и оттаму во Европа.

Големи групи бегалци од Сирија и Ирак тргнаа пеш од Истанбул за Едрене, откако турската полиција запре патнички автобуси за тој реон во обид да запре неколку стотици имигранти, кои сакаат да пристигнат до Бугарија или Грција преку копнените граници.

Окоу 800 лица, мажи, жени и деца одеа пеш по магистралата. Пред свртувањето за Едрене, властите ги запреа и не им дозволија да пристигнат до границата. Тогаш тие ги поставија шаторите. Од општината им обезбедија храна и вода на бегалците.

Би можело да ве интересира

Мигрантите исчезнаа од јужната граница

Европскиот суд на правдата ја казни Унгарија, Орбан ја нарече пресудата срамна

A1on

Речиси 5.000 мигранти загинаа на пат кон Канарските острови за пет месеци

Се урна зграда во Истанбул, луѓе останаа заробени под урнатините

Вооружена пресметка меѓу две групи во Турција: Три лица загинаа

Горан Наумовски

ЕУ увезува руска нафта преку турските пристаништа