Околу 16.000 месари-аматери се повредени во Турција за време на празникот Курбан Бајрам. Министерот за здравство Фахретин Коча изјави дека повредите настанале при ритуалот на жртвување животни.
На првиот ден од Бајрам, околу 16.000 луѓе дојдоа во здравствените домови низ земјава поради повреди здобиени при жртвување, објави Коча на мрежата „Икс“.
Курбан Бајрам, најважниот исламски празник, познат и како празник на жртвите, започна вчера.
Турците жртвуваат главно овци и кози, а богатите и вол.
Во 2023 година, речиси 30.000 луѓе беа повредени за време на четиридневните прослави во Турција.
Министерот додаде дека ситуацијата е таква бидејќи месото го подготвуваат луѓе кои не се професионалци. Тој наведе дека во главниот град Анкара се повредени 1.274 лица, во Истанбул 840, во Измир 416.